මේ පිළිබඳව අදහස් දැක්වූ බ්‍රිතාන්‍ය මන්ත්‍රී විලියම් බැක් සඳහන් කළේ, මෛත්‍රීපාල සිරිසේන මහතා සහභාගි වූ පළමු රූපවාහිනී වැඩසටහන අවහිර කර ඇති අතර ඔහුගේ පෞද්ගලික ආරක්ෂකයින් ද ඉවත් කර ඇති බව ය.
ඔහු බ්‍රිතාන්‍ය පාර්ලිමේන්තුවෙන් විමසා සිටියේ, ශ්‍රී ලංකාවේ ජනාධිපතිවරණය නිදහස් සහ සාධාරණව පැවැත්වීම සඳහා ගත හැකි පියවර කුමක් ද යන්න ය.
ඊට පිළිතුරු සැපයූ මන්ත්‍රී විලියම් වොලස් පවසා ඇත්තේ, ශ්‍රී ලංකා ජනාධිපතිවරණය නිරීක්ෂණය කිරීමේ හොඳ ම ක්‍රමවේදය පිළිබඳව සාකච්ඡා කරමින් සිටින බව ය.
ඊට අමතරව, රජය පිළිබඳව මතුව ඇති චෝදනා සම්බන්ධයෙන් ශ්‍රී ලංකා රජය සමග සාකච්ඡා කරන බව ද ඔහු පැවසීය.
