උගන්ඩාවේ
කුඩා ළමයෙකු බලාගන්න ආයා කෙනෙකු විසින් දෙහැවිරිදි කුඩා දැරියකට කෘර වධ
දෙන අයුරු දැක්වෙන වීඩියෝවක් අන්තර්ජාලයට නිකුත් වීමත් සමග එම කාන්තාව
පොලිස් අත්අඩංගුවට පත්වී තිබේ. ජොලි ටුම්හිර්වී නම් 22 හැවිරිදි මේ කාන්තාව
පොලිසියට කොටුවී ඇත්තේ "අනීලා" නම් එම කුඩා දරුවාගේ පියා විසින් පොලිසියට
කරන ලද පැමිණිල්ලකින් අනතුරුව වේ.
ගෙදර සවිකොට ඇති සී.සී.ටී.වී කැමරා නිරීක්ෂණය කිරීමේදී තම සිඟිති දියණිය
බිමට විසිකොට පයින් පාගන දුටු දැරිවියගේ පියා කෝපය දරාගත නොහැකිව අදාළ
කාන්තාවට පහරදී තිබේ. පසුව එම වීඩියෝව අන්තර්ජාලයේ ජනප්‍රිය වීමෙන් අනතුරුව
ඇයට එරෙහිව පොලිසියේ පැමිණිල්ලක් ගොනුකොට තිබේ.
පුටු සෙටියෙන් බිමට ඇද දමා කුඩා දැරිවිය පාගන කාන්තාව
මෙම පහරදීමෙන් කුඩා දැරිය මිය ගිය බවට අන්තර්ජාලයේ ප්‍රචාරය වුවත් එය
සත්‍යය නොවන අතර ඇය තවමත් ජීවතුන් සිටින බවට විදෙස් මාධ්‍ය තහවුරුකොට තිබේ.
තම දියණියට අමානුෂිකව පහර දෙන දර්ශණය ඉවසා ගත නොහැකිව එම කාන්තාවට පහරදුන්
දැරිවියගේ පියාද පොලිස් අත්අඩංගුවට පත්වී තිබේ. නමුත් පොලිසිය එම පහරදීමේ
දර්ශණ දැකීමෙන් අනතුරුව දැරිගේ පියාට එරෙහි පැමිණිල්ලෙන් නිදොස්කොට තිබේ.
දැරියගේ පියා වන එරික් කමාන්සි සහ පහරකෑමට ලක්වූ අනීලා
අනීලා ගේ පියාගේ පහරදීම් නිසාවෙන් අමානුෂික පහරදීම සිදුකළ "අයාවරිය"
මේවනවිට ඇවිදීමට නොහැකිව රෝද පුටුවක් භාවිතා කරන බව වාර්තා වේ.
අවවාදයයි : මෙම වීඩියෝවේ නැරඹීමට අපහසු දර්ශණ ඇත.
