සෙනසුරු මාරුව ලග්න වලට බලපාන හැටි.
ශ්‍රී බුද්ධ වර්ෂ 2558ක් වූ, ශක වර්ෂ 1936ක් වැනි ක‍්‍රි.ව. 2014 නොවැම්බර් මස 02වැනිදා ඉරිදා රාත‍්‍රි 09.05.00ට (සමහර ලිත්වල වෙනස් වේලාවද දැක්වේ) ශනි හෙවත් සෙනසුරු ග‍්‍රහයා තම උච්ච රාශිය වන තුලා රාශියෙන්, තමාට සතුරු රාශියක් වන කුජ හිමි වෘශ්චික රාශියට සම්ප‍්‍රාප්ත වෙයි.
සම්ප‍්‍රාප්ත වී වසර 2 1/2ක් පමණ එම රාශියේ සිටින්නේ සතුටකින් නොවේ.
එම කාලයේ ඒ ඒ ලග්න හිමියන්ට සෙනසුරු ඇති කරන ශුභ අශුභ තත්ත්ව පහතින් දැක්වේ.
මේෂ ලග්නය
2014.11.02 දා සිට ඉදිරියට වසර 2 1/2ක් පමණ මේෂ ලග්න හිමියන්ගේ කේන්ද්‍රයේ ශනි හෙවත් සෙනසුරු ගමන් කරනුයේ 08 වැනි රාශියේය.
ශනි අටවැන්නේ ගමන් කිරීම :
මෙම කාලයේදී ලේ විෂවීම්, ලේ කෝප දෝෂ රෝග, නිතර ඇති කළ හැකිය. මළ පෙරේත දෝෂ - තනිකම් දෝෂ වලින් කරදර ඇතිවේ.
ශනි අටවැන්නේ ගෝචර ගමනේදී තදබල ලෙස පීඩා වුවහොත් මාරක හා සමාන දුක් ඇතිවේ. පවුලේ වැඩිහිටියන්ට අසහනකාරි කරදර, මාරක විපත් ඇති කළ හැකිය.
වෘශභ ලග්නය
වෘෂභ ලග්නයේ 07 වැන්න වෘශ්චික යයි. ජන්ම කේන්ද්‍රයක 07 වැන්න විවාහ ස්ථානයයි.
ශනි සත්වැන්නේ ගමන් කිරීම : ශනි සත්වැන්නේ ගමන් කරන වසර 2 1/2 ක කාලයේ කලකිරීම් ඇතිවේ. අඹුදරුවන්ට දුක් කරදර පීඩා ඇතිවේ. මානසික අසහන ද තමාට වාත ආබාධ, හිරිවාත අමාරු, අජීර්ණ රෝග ඇතිවේ.
තදින් සිත් වේදනා ඇතිවන අතර, රැුකියාවේ හෝ ආදායම් මාර්ගවලට කරදර බාධා ඇතිවේ. ගෙදර එපා වෙයි.
මිථුන ලග්නය
මිථුන ලග්නයේ 06 වැන්න වෘශ්චික යයි.
ශනි හයවැන්නේ ගමන් කිරීම : සිතේ සතුට ඇතිවේ. ලෙඩරෝග වලින් සහනයක් ලැබේ. හිතවතුන්ගේ ඇසුර නිතර ඇතිවේ. ශරීරයේ බර වැඩිවේ. සමාජ ඇසුර වෙත සිත යොමු වේ.
කටක ලග්නය
කටක ලග්නයේ 05 වැන්න වෘශ්චක යයි.
ශනි පස්වැන්නේ ගමන් කිරීම : අවුල් වියවුල් වැඩිවේ. ඉක්මන්කම නිසා කරදර ඇතිවේ. බඬේ අමාරු හටගනී. දරුවකු ලැබුණහොත් ඔහුද අවාසනාවන්තයකු වේ. අර්ශස් රෝග හටගත හැකිය. එසේම දරුවන්ට ද අගුණය.
සිංහ ලග්නය
සිංහ ලග්නයේ 04 වැන්න වෘශ්චික.
ශනි හතර වැන්නේ ගමන් කිරීම : හතර වැන්නේ ගමන් කරන කාලයේදී වාත රෝග, හිරිවාත අමාරු, හටගනී. වැඩිහිටියකුට මාරක ඇති කළ හැකිය. විභාග වලින් අසමත් වේ. සිතේ සතුට නැතිවේ. අසල්වාසීන් සමඟ අමනාපකම් හටගනී.
කන්‍යා ලග්නය
කන්‍යා ලග්නයේ 03වැන්න වෘශ්චිකයයි.
ශනි තුන්වැන්නේ ගමන් කිරීම : තුන්වැන්න ශුභ රාශියක් වී ශුභ දෘෂ්ටිද වැටුණහොත් දියුණුව ඇතිවේ. අසනීප වලින් සුවය ලැබේ. රැුකී රක්ෂාවලද දියුණුව ඇතිවේ.
තුලා ලග්නය
තුලා ලග්නයේ 02 වැන්න වෘශ්චික යයි.
ශනි දෙවැන්නේ ගමන් කිරීම : ගෝචර ගමනින් සෙනසුරු 02 වැන්නේ ගමන් කරන කාලයේදී සැප පහසුකම් නැතිවෙයි. ශරීරය දුර්වර්ණවෙයි. ධනහානි, අනතුරු හා විපත් ඇතිවේ. අඹු දරුවන්ට විපත්ති දායකය.
රැුවටිලිවලට හසුවේ. ඥාතීන්ට මාරක විපත් ඇතිවේ. ශනිට අශුභ දෘෂ්ටි වැටීමෙන් අපල වැඩිවෙයි.
දෙවැන්න ශනිට ශුභ රාශියක් වුවහොත් තදබල අපල වැළකේ. එනමුත් ශනි 02 වැන්නේ ගමන් කරන විට ලග්න එරාශ්ඨකයේ අවසාන වසර 2 1/2 උදාව පවතී. ඒ නිසා අශුභය. ප‍්‍රවේශම් විය යුතුය.
වෘශ්චික ලග්නය
ශනි ලග්නයේ ගමන් කිරීම : ගෝචර ගමනින් ශනි ලග්නයේ ගමන් කරන කාලය සැලකෙන්නේ අපල දායක කාලයක් ලෙසය. එම කාලය ලග්න ඒරාෂ්ඨක කාලය වශයෙන් සැලකේ.
ඒ කාලයේදී සිතට කරදර ඇතිවේ. විභාග නඩුහබ වලින් පරාජය අත්වේ. පවුලේ අයටද අගුණය. ශරීර සෞඛ්‍ය බිඳ වැටේ. කකුල්වල ආබාධ හානි ඇතිවේ. ආත්ම ශක්තිය පිරිහෙයි. අඹු සැමි භේද ඇතිවේ. තදින් තරහ යයි.
තත්ත්වය මෙසේ හෙයින් ශනි ලග්නයේ ගෝචරය වන කාලයේදී ලද දෙයින් සතුටු වෙමින්, ඉවසීමෙන් කටයුතු කළ යුතුය. රාත‍්‍රී ගමන් අශුභය. ඇළ, දොළ, ගංඟා සහ මුහුදු අසලටවත් නොයා යුතුය. දවල් 12න් පසු නෑම අශුභය.
ධනු ලග්නය
ධනු ලග්නයේ 12 වැන්න වෘශ්චික යයි.
ශනි දොළොස් වැන්නේ ගමන් කිරීම : ශනි දොළහේ ගෝචර වන විට රෝගාබාධ ශා ධන හානි වලින් කරදර හටගනී. ශරීරයේ තුවාල ඇතිවෙයි. බලාපොරොත්තු කඩවේ. හිරිහැර තර්ජන වලට ලක්වේය. පවුල් ජීවිතයට හානි සිදුවෙයි. ජීවත්වීම වධයක් වේ. අවාසනාවන්ත ලෙස ස්ථාන වෙනස් වීමට කටයුතු යෙදේ.
මකර ලග්නය
මකර ලග්නයේ 11 වැන්න වෘශ්චික යයි.
ශනි එකොළොස්වැන්නේ ගමන් කිරීම : ගෝචරයෙන් ශනි 11 වැන්නේ ගමන් කරන විට ආදායම් තත්ත්වය යහපත් වෙයි. ශනිට ශුභ රාශියක් වුවහොත් දියුණුව ඇතිවේ. රැුකී රක්ෂා දියුණු වෙයි.
මේ කාලයේදී තමාගේ වාසිය පිණිස නරක ක‍්‍රියාවලට ද පෙළඹිය හැකිය. මේ කාලයේදී හොඳ හා නරක යන දෙකටම සිත ඇදී යයි.
කුම්භ ලග්නය
කුම්භ ලග්නයට වෘශ්චික රාශිය වැටෙන්නේ 10 වැන්නටය.
10 වැන්න රැුකියා ස්ථානයයි.
ශනි දසවැන්නේ ගමන් කිරීම : හෘදයාබාධ - දන හිස් අමාරු ඇතිවේ. නිතර සිත් තැවුල් ඇතිවේ. ඉගෙනීමට හානි ගෙනදේ. රැුකී රක්ෂා බිඳ වැටෙන්නට ඉඩ තිබේ. ශනිට ශුභ දෘෂ්ටි වැටුණහොත් පමණක් තරමක සහනයක් ලද හැකිය.
මීන ලග්නය
මීන ලග්නයේ 09 වැන්න වෘශ්චික යයි.
ශනි නවවැන්නේ ගමන් කිරීම : ගෝචරයෙන් ශනි නවවැන්නේ ගමන් කරන කාලයේදී ස්ථාන වෙනස්වීම් ඇතිකළ හැකිය. ධනය ලැබුණත් ඉක්මණින් විනාශ වෙයි. රාජ දඬුවම් ලැබෙන්නට පවා හැකිය. පපුවේ අමාරුවක් හට ගනී. කටයුතු සියල්ල බිඳ වැටේ සතුරු කරදර ඇතිවේ.
ඔත්පලවන තරමට අසනීපයක් ඇතිවිය හැකිය. පිනට දහමට අකමැතිවේ. අවාසනාවන්ත ලෙස කාලය ගතවේ.
උත්පත්ති ශනි
උත්පත්තියේදී ශනි 03 - 06 - 10 - 11 - 12 වැන්නේ සිටි විටද, 12 වැන්න මකර - කුම්භ රාශි වූ අයටද ශනි 12 වැන්නේ ගමනේදී දුර්විපාක වැඩියෙන් ලැබෙනමුත් ධනය හා අලූත් හිතවතුන් ලැබෙන්නට පුළුවන.
22 දෙර්කානාධිපතියා
ශනි ග‍්‍රහයා 22 වැනි දෙර්කාණාධිපතියා බවට පත්වන විට.
මිථුන - 01 දෙර්කාණය.
(1) මිථුන ලග්නයේ 01 වැනි දෙර්කාණයට අයත් තුලා - වෘශ්චික - ධනු යන නවාංශයකින් උපන් අයටද-
කටක - 01 දෙර්කාණය.
(2) කටක ලග්නයේ 01 වැනි දෙර්කාණයට අයත් වන කටක - සිංහ - කන්‍යා යන නවාංශයකින් උපන් අයටද-
තුලා - 03 දෙර්කාණය.
(3) තුලා ලග්නයේ 03 වැනි දෙර්කාණයට අයත් මේෂ - වෘෂභ - මිථුන යන නවංශයකින් උපන් අයටද-
වෘශ්චික - 03 දෙර්කාණය.
(4) වෘශ්චික ලග්නයේ 03 වැනි දෙර්කාණයට අයත් මකර - කුම්භ - මීන නවාංශයකින් උපන් අයටද-
කුම්භ - 02 දෙර්කාණය.
(5) කුම්භ ලග්නයේ දෙවැනි දෙර්කාණයට අයත් මකර - කුම්භ - මීන යන නවාංශයකින් උඵන් අයටද.
ශනිගෙන් ලැබෙන්නේ ඉතා අශුභ ඵලමය. මේ අය ඒරාශ්ඨක කාල වලදී විශේෂයෙන් පරෙස්සම් විය යුතුය.
රාශි භේදයකින් තොරව
තිර - චර - උභය යන රාශි භේදයකින් තොරව-
(1) පළමුවැනි දෙර්කාණයට 08 අධිපතියාත්.
(2) දෙවැනි දෙර්කාණයට 12 අධිපතියාත්.
(3) තුන්වැනි දෙර්කාණයට 04 වැන්න අධිපතියාත්.
කේන්ද්‍රයක 22 වැනි දෙර්කාණාධිපතියා බවට පත්වන බව ජ්‍යෙතිෂ නියමය වේ.
අපල සමනයට
සෙනසුරු 22 වැනි දෙර්කාණාධිපතියාවී උපදිය අය තෙරුවන්හට මල් පහනු සුවඳ දුම් පුදා ‘‘දස දිසා පිරිත’’ හා ‘‘කරණීය මෙත්ත සූත‍්‍රය’’ කියා විෂ්ණු දෙවියන්ට පින් දීමෙන් අපල දුරුකර ගත හැකියි. නිතර නිතර මෙය කළ යුතුය. ඒ අය තම නිවසේදී මිය ගිය ඥාති හිතමිත‍්‍රාන් හට පිංදීමෙන් පසු තම ඉඩමට හා නිවසට අරක්ගත් බහිරව දේවතාවන් හටද පිං අනුමෝදන් කිරීමද කළ යුතුය.