එම වාර්තාවට අනුව අගෝස්තු 06 වැනිදා සිට 10 වැනිදා දක්වා ගාල්ල ජාත්යන්තර ක්රීඩාංගණයේදී පැවැත්වූ තරඟාවලිය අතරතුර එම ක්රීඩකයා තරගය ක්රියාත්මක අගෝස්තු 08 වැනිදා දින රාත්රි 8 ට පමණ කණ්ඩායම නවාතැන් ගෙන සිටින හෝටලයෙන් පිටව ගොස් තිබෙන අතර නැවතත් හෝටලයට පැමිණ ඇත්තේ ඊට පසු දින එනම් 9 වැනිදා දින උදෑසන 6.30 ට පමණය.
තරගය පැවැත්වෙන දිනකදී ක්රීඩකයකු සිය නවාතැන් ගෙන සිටින හෝටලයෙන් පිටතට යන්නේ නම් ඒ පිළිබඳව කණ්ඩායම් කළමනාකරුව දැනුවත් කළ යුතු නමුත් චෝදනා ලබා සිටින මෙම ක්රීඩකයා හෝටලයෙන් පිටතට ගොස් රැය පහන් කර ඇත්තේ කිසිදු දැනුම් දීමකින් තොරව බවත් එම ක්රීඩකයා එදින රාත්රිය ගත කලේ කුමන ස්ථානයකදැයි යන්න පිලිබඳ ගැටලුවක් පවතින බවද එම වාර්තාවෙන් පෙන්වා දී තිබේ.
මෙම සිදුවීම සම්බන්ධව පරීක්ෂණයක් පවත්වා ඔහුට විරුද්ධව විනය පියවරක් ගැනීමට ක්රිකට් ආයතනය තීරණය කර තිබේ.