සිය
සහෝදරියගේ පිහි ඇනුමකින් මියගිය බව කියන බඩල්කුඹුරේ 6 හැවිරිදි දැරියගේ
පශ්චාත් මරණ පරීක්ෂණය මොනරාගල රෝහලේදී අද සිදුකෙරුණා. එහිදී හෙළිකර ගැනුණේ
එම දැරියගේ සිරුරේ කැපුම් පහරවල් 12ක් දක්නට ඇති බවයි.
ඒවායින් 4ක් මාරාන්තික ඒවා බව ද අධිකරණ වෛද්ය වාර්තාවේ දැක්වෙනවා. සැකකාර
සහෝදරිය 14 වන වියේ පසුවන්නියක්. එම දැරිය මොනරාගල මහේස්ත්රාත් අධිකරණය
වෙත අද ඉදිරිපත් කෙරුණු අතර, එහිදී නියෝග කෙරුණේ ඇය ලබන මස 5 වෙනිදා දක්වා
පරිවාස භාරයට පත් කිරීමටයි.
සෙසු සැකකරුවන්ගෙන් වෙන්කර, ඇය වෙනම කුටියක රඳවා තබන්නැයි ද එහිදී නියෝග
කෙරුණා. අදාළ ඝාතනය සිදුවූයේ පෙරේදා දිනයේයි. තමන්ට වඩා පියා තම නැගණියට
ආදරය කරන්නේ යැයි සැකකාර සහෝදරියට ඇති වූ කෝපය ඊට හේතු වී ඇතැයි මූලික
විමර්ශනවලින් පෙනී ගොස් තිබෙනවා.