වසර ගණනක් තිස්සේ ලාංකීය චිත්‍රපට හා ටෙලි නාට්‍ය අධ්‍යක්ෂවරයෙක් ලෙස කටයුතු කරන 'පද්මසිරි කොඩිකාර' තමාට අතවර කළ බවට එක්තරා පුවත්පතක පළකර ඇති පුවත අමූලික බොරුවක් බව යොවුන් නිළියක මෙන්ම නිරූපිකාවක ද වන ලක්ෂිකා ජයවර්ධන පවසා තිබුණි.
පද්මසිරි කොඩිකාර තමාට අතවර නොකළ බවත්, ඔහු උත්සහ කරනු ලැබුවේ තමන්ව හෝටලයකට රැගෙන ගොස් තමාගෙන් ලිංගික අල්ලස් ලබා ගැනීමට පමණක් බවද ඇය කීවාය. එමෙන්ම මේ පුවත නිවරදි කරන ලෙසට අදාල පුවත්පතේ ප්‍රවෘත්ති කර්තෘවරයාට තමා දැනුම් දුන්නද එය මෙතෙක් සිදු කර නොමැති බවද ඇය කියා සිටියාය.
එසේම අදාල පුවත එම පුවත්පතින් උපුටා ගනිමින් වෙබ් අඩවි රාශියක පලකර ඇති බැවින් තමා ඒ සම්බන්ධයෙන් සිදුව ඇති අපහාසයට වන්දි නඩුවක් ගොනු කරන්නේ ද යන්න පිළිබඳව සිතා බලන බවද ඇය පවසයි.
